Ішкі аудит
Ішкі аудит қызметі
Ішкі аудит қызметі (бұдан әрі — ІАҚ) Компанияда ішкі аудитті ұйымдастыруды және жүзеге асыруды қамтамасыз ететін Компанияның Директорлар кеңесінің органы болып табылады. Директорлар кеңесіне тікелей бағынатын және есеп беретін ІАҚ-ны аудит жөніндегі комитет қадағалайды.
ІАҚ-тың қызметі Ішкі аудит қызметі туралы ережеге және «Қазақтелеком» АҚ жылдық аудит жоспарларына сәйкес жүзеге асырылады.
Қызмет өз қызметінде тәуелсіздік, объективтілік, құзыреттілік және жұмысқа кәсіби көзқарас қағидаттарын, ішкі аудиторлар институтының халықаралық кәсіби ішкі аудит стандарттарында белгіленген ішкі аудиторлар сапалы стандарттары мен қызметінің стандарттарын басшылыққа алады. 1110 (ұйымдық тәуелсіздік) стандартына сәйкес ІАҚ ұйымдық тәуелсіздікті сақтайды.
Негізгі қызмет шеңберінде 2022 жылы ІАҚ Жылдық аудиторлық жоспарға және Директорлар кеңесінің тапсырмаларына сәйкес 19 аудиторлық іс-шара өткізді. Жылдық жоспар 127% орындалды.
KPMG жүргізген ІАҚ қызметін тәуелсіз сыртқы бағалау нәтижелері бойынша ІАҚ қызметі барлық маңызды аспектілерде ішкі аудиттің халықаралық кәсіби стандарттарының талаптарына сәйкес келетіндігі расталды. Стандарттар талаптарына сәйкестікті бағалау нәтижелері бойынша ІАҚ сәйкестік пайызы 98%-ды құрады.