Инновация және жаңа технологиялар

Инновациялық технологиялар Компанияның стратегиялық мақсаттарына қол жеткізуде маңызды рөл атқарады, өйткені олар оларды жүзеге асыру процесіне тікелей әсер етеді. Инновациялық жобаларды енгізу және цифрлық трансформация басқару тиімділігін арттыруға, тәуекелдерді азайтуға, ESG қағидаттарына жәрдемдесуге және ТДМ-ға қол жеткізуге ықпал етеді.

1. «Қазақтелеком» АҚ-да МДБЖ-ның сыртқы шекарасын жаңарту аяқталды және Франкфурт пен Гонконгта PoP-тораптар ұйымдастырылды.
   
   Алматы қаласында шекаралық маршрутизаторды (ASBR) жаңғырту жүргізілді, бұған дейін бұл процесс Астана мен Ақтөбеде іске қосылған болатын.
   
   Франкфурт пен Гонконгта өздерінің РоР-тораптарын орналастырылды, бұл Google, Facebook / Meta, Steam Valve, Amazon, Tencent, Twitch, Microsoft және Apple сияқты ірі контент-компаниялармен тікелей байланыстарға мүмкіндік берді. Lumen және PCCW сияқты Tire-1 операторларымен байланыс орнатылды. Инфрақұрылымдағы бұл өзгерістер «Қазақтелеком» АҚ-ға өз клиенттері үшін контентке неғұрлым жоғары жылдамдықпен қол жеткізуге және көрсетілетін қызметтердің сапасын жақсартуға мүмкіндік береді.
   
   
2. Екінші жазықтықтағы желі ядросының тірек маршрутизаторлары жаңғыртылды (Астана, Алматы және Ақтөбе қалаларында бір PTX маршрутизаторы бойынша).
   
   
3. Алматы, Астана, Қарағанды, Шымкент, Ақтөбе, Тараз қалаларында байланыс операторларын қосу үшін қосымша 100G-порттармен сервистік шекара маршрутизаторлары кеңейтілді.
   
   Көкшетау, Өскемен, Ақтөбе және Атырау қалаларындағы КЖҚ (BNG) маршрутизаторларының магистральдық арналары 100G-ге ауыстырылды.

Қазіргі уақытта «Қазақтелеком» АҚ платформасында Қазақстан Республикасының 17 қаласында 34 мың бейнекамера орнатылған. Бейнекамералар кіру тобына және көпқабатты үйлердің кіреберістеріне орнатылған.

Бейнебақылау бойынша жаңа клиенттік жобаларды дамыту бойынша табысты жұмыс жүргізілді. Бейнебақылау жүйесі жеке компаниялар деңгейінде емес, қала деңгейінде жүзеге асырылатын, әртүрлі қалалық қызметтердің жұмысын жедел бақылау үшін қуатты құрал жасайтын қоғамдық қауіпсіздік тақырыбы өзекті болып қала береді. Бұл жүйелер қоғамдық орындардағы жағдайды бақылауға және қар шығару, қоқыс жинау және т. б. жұмыстармен айналысатын қалалық қызметтердің жұмысын бақылауға мүмкіндік береді.

Бүгінгі таңда қалалық бейнебақылау жүйелері өз тұрғындары үшін мүмкіндігінше қауіпсіз және жайлы болуға ұмтылатын ақылды қала экожүйесінің ажырамас бірінші кезектегі құрамдас бөлігі болып табылады. Астана қаласында 118 нысанда қоғамдық орында бейнебақылау жүйесін орнату бойынша жобалар іске асырылды.

Астана қаласындағы денсаулық сақтау объектілері әрбір объектідегі жергілікті бейнесерверлерде қосымша резервпен бұлтты бейнебақылау платформасына қосылған камералармен жабдықталған.

Мекемелердің бейнебақылау камераларына қол жеткізе отырып, денсаулық сақтау басқармасы денсаулық сақтау объектілеріндегі ахуалды жедел мониторингілеу мүмкіндігіне ие болды, бұл келушілердің қауіпсіздігін арттыруға алып келеді.

Бұл жобалар Компанияның қалалық бейнебақылау бойынша ауқымды жобаларды іске асырудағы мүмкіндіктерін көрсетеді және еліміздің басқа өңірлерінде одан әрі таралымдау үшін табысты кейстер болып табылады, өйткені мемлекеттік тапсырыс берушілер үшін шешімдер қабылдау кезінде маңызды триггерлердің бірі Қазақстан Республикасының аумағында іске асырылған кейстердің болуы болып табылады.

2022 жылы контент провайдерлерімен жұмыс жалғасты. Жыл қорытындысы бойынша Компания Google, Facebook, Cloudflare, Akamai, Yandex, Netflix, Steam және т. б. компаниялармен контент-провайдерлердің жергілікті кэш-серверлерін кеңейтті.

Бұл кэш-серверлер Компанияға танымал мазмұн провайдерлерінің трафигін соңғы пайдаланушыларға жақынырақ локализациялауға мүмкіндік береді, бұл контентке қол жеткізу жылдамдығы мен сапасын арттырады. Кэш-серверлердің көлемін ұлғайту арқылы Компания көрсетілетін қызметтердің сапасын жақсартты және өз клиенттерінің қанағаттанушылығын арттырды.

«Қазақтелеком» АҚ сенімді және үлкен желілік инфрақұрылымы бар оператор ретінде K-root түбірлік сервері үшін жауап беретін RIPE NCC-мен бірлесіп, Павлодар қаласының «Зеркало» Tier III деректер орталығының желісіне K-root DNS-серверін орналастырды. Осылайша, «Қазақтелеком» алаңындағы К-Root сервері Интернеттің тұрақтылығына жауап беретін жаһандық инфрақұрылымның бір бөлігіне айналды. Күн сайын сервер орташа есеппен 20 миллионға жуық DNS сұраныстарын өңдейді.

K-Root серверлерінің ағымдағы орнын RIPE NCC веб-сайтынан көруге болады https://ripe.net/analyse/dns/k-root.

2022 жылы «Қазақтелеком» АҚ Telco Cloud бұлтты желісі базасында бірнеше сәтті тестілеу өткізді. Бұл тесттер түрлі желілік функцияларды виртуализациялауды және агерагтсыздандыруды тексеру мақсатында жүргізілді.

Өткізілген тестілеу тізімі:

1. vDNS — B2C абоненттеріне арналған корпоративтік DNS.
2. vSBC — тіркелген телефония абоненттеріне арналған сессия контроллері.
3. VOLTHA — Open OMCI ашық архитектурасы мен хаттамасы базасындағы OLT және ONT.
4. vSIEM — АҚ оқиғаларын корреляциялауға арналған SIEM жүйесі.
5. Open RAN — ашық архитектура базасындағы БС.

Осы тәжірибе жақын арада бұл шешімдерді «Қазақтелеком» АҚ желісіне енгізуге мүмкіндік береді. Мысалы, virtual Session Border Controller (vSBC) — шекті сессия контроллері — операторлық NGN желілерінің бөлігі болып табылатын жабдық (бағдарламалық жасақтама немесе аппараттық құрал). Шекті сессия контроллері оператор желісінің сәтті және қауіпсіз жұмыс істеуі үшін қажетті бірқатар функцияларды орындайды:

1. Желінің ішкі топологиясын жасыру.
2. Әр түрлі физикалық желілік интерфейстер бойынша сенімді (ішкі) және сенімсіз (сыртқы) желілерді бөлу (физикалық деңгейдегі желілерді бөлу).
3. Желілерді бұзудан қорғау, dos / DDoS VoIP шабуылдары, трафикті талдау мен тексерудің ерікті ережелерін орнату мүмкіндігі.
4. Динамикалық/статикалық қара/ақ тізімдер және access парақтары.
5. SIP тақырыптарымен манипуляциялау, SDP-мен манипуляциялау.
6. SIP-ті қалыпқа келтіру.
7. Nat (NAT Traversal) үшін абоненттердің жұмысын қамтамасыз ету.
8. Кез келген бөгде шешімдермен үйлесімділік.
9. SS7 байланысы бар желілермен өзара әрекеттесу (SIP-I/SIP-T қолдауы).
10. Транскодинг және т. б.