Адам құқықтарын сақтау және тең мүмкіндіктер

Компания осы саладағы Қазақстан Республикасы Еңбек заңнамасының талаптарын орындайды, оның шеңберінде қызметкердің іскерлік қасиеттерімен байланысты емес дін, жыныс, тіл, жас, ұлт белгілері, мүгедектіктің болуы, отбасы мәртебесі, әлеуметтік шығу тегі немесе өзге де жеке айрықша сипаттамалары бойынша еңбек құқықтарын іске асыру кезінде ешкімді қандай да бір кемсітуге тап болмайды.

«Қазақтелеком» АҚ Адам құқықтары мен тең мүмкіндіктерді сақтау саласындағы өз тәжірибелерін үздіксіз жетілдіруде. Осылайша, Компания қызметкерлермен Ұжымдық келісімшарт жасасу, өзгерту, толықтыру бойынша келіссөздерге қатысады, келіссөздер жүргізу мерзімдерін сақтайды және тиісті бірлескен комиссиялардың жұмысын қамтамасыз етеді, келіссөздер жүргізу үшін қажетті ақпаратты ұсынады, Ұжымдық келісімшарт ережелерінің талаптарын қатаң орындайды. Еңбек заңнамасына сәйкес кез-келген қызметкер өз өкілдері арқылы ұжымдық келіссөздерге және Ұжымдық келісімшарттың жобасын әзірлеуге, сондай-ақ қол қойылған Ұжымдық келісімшартпен танысуға құқылы.

«Қазақтелеком» АҚ ірі жұмыс беруші бола отырып, қатысушы өңірлердің әлеуметтік-экономикалық дамуына елеулі үлес қосады. Есеп беру жылы қызметкерлер саны 20 мыңға жуық адамды құрады, бұл Компания толық түсінетін адам құқықтарын сақтау саласында жоғары жауапкершілік жүктейді. «Қазақтелеком» АҚ Қазақстан Республикасының заңнамасына және халықаралық стандарттарға сәйкес адам құқықтарын сақтау тәжірибесін дамытады. Компаниядағы адам құқықтарын сақтау тәсілдерін регламенттейтін негізгі құжат «Қазақтелеком» АҚ Іскерлік әдеп кодексі болып табылады. Адам құқықтарын сақтау саласында Компания Іскерлік әдеп кодексінің мынадай қағидаттарын ұстанады:

• адамның қадір-қасиетін, құқықтары мен жеке бас бостандығын құрметтеу, әрқайсысына өз әлеуетін іске асыру үшін тең мүмкіндіктер бере отырып, қызметкерлерге сенім білдіру;
• жұмыс орнындағы кемсітушіліктің немесе қысымның кез келген түрін, жалпы адамгершілік-этикалық құндылықтар тұрғысынан қорлау немесе орынсыз мінез-құлық фактілерін жою.

Адам құқықтары практикасын дамыту мақсатында Компания 2023 жылы және орта мерзімді келешекте мынадай мақсаттар мен міндеттерді жүзеге асыру мүмкіндігін қарастыруды жоспарлап отыр:

• «Қазақтелеком» АҚ Адам құқықтары жөніндегі саясатын әзірлеу және бекіту;
• адам құқықтары саласында due diligence практикасын жүргізу әдіснамасын енгізу; li>
• адам құқықтары саласындағы тәуекелдерді бағалауды жүргізу.

2022 жылғы желтоқсанда қызметкерлердің алуан түрлілігін арттыру және тең мүмкіндіктерді қамтамасыз ету мақсатында «Қазақтелеком» АҚ Компанияның әйел қызметкерлерінің білім деңгейі мен құзыреттерін арттыруға бағытталған «Өңірлердегі әйелдерді қолдау» бағдарламасын іске қосты. Осы бағдарлама аясында Астана және Алматы қалаларында «Әйелдер көшбасшылығы» тақырыбында 2-3 күндік тренингтер өтті, олардың жетекшілері әйелдер топ-менеджерлері мен компания басшылары болды.

«Қазақтелеком» АҚ лауазымы мен жынысына қарамастан жалақы деңгейінде тең мүмкіндіктерді қамтамасыз етеді. Компанияның орташа айлық жалақысының деңгейі қызметкердің атқаратын лауазымына байланысты емес және ұйымдағы еңбекақы төлеу ережелеріне сәйкес анықталады.

Компания қандай да бір белгілер бойынша кемсітушілікке жол бермеуді және сыйақыға әділ және тең құқылы көзқарасты қамтамасыз етуді қадағалайды. Есеп беру кезеңінде кемсітушілік фактілері «Қазақтелеком» АҚ-да тіркелген жоқ. Еркектердің орташа жалақысына қатысты әйелдердің орташа жалақысы 2022 жылы 107,5%-бен-ды құрады.

«Қазақтелеком» АҚ қызметкерлеріне сыйақы беру тәсілін регламенттейтін құрылымдық бөлімше — Сыйақы және ұйымдық тиімділік қызметі. Бұл бөлімшенің негізгі міндеттері қызметкерлерді тарту, ұстап қалу және ынталандыру үшін қажетті экономикалық тиімді сыйақы жүйесін құру болып табылады.

«Қазақтелеком» АҚ-да қабылданған ынталандыру жүйесі қызметкерлердің қызметін бағалаудың енгізілген жүйесін қоса алғанда, қызметкерлерге сыйақы мен олардың жұмыс нәтижелерінің нақты өзара байланысын қамтамасыз етеді.

«Қазақтелеком» АҚ-да Hay Group әдіснамасы бойынша грейдтер жүйесі жұмыс істейді. Еңбекақы төлеу, қосымша төлемдер, үстемеақылар, ағымдағы және біржолғы сыйлықақылар бойынша тәсілдер, разрядаралық коэффициентті қолдана отырып, лауазым разрядын/санатын саралау біріздендірілді. Фокус қызметкерлердің жиынтық табысына аударылады, оған жалақы мен сыйлықақылардан басқа, жеңілдіктер мен материалдық емес мотивация кіреді.

Есеп беру кезеңінде Компанияда қызметкерлерге материалдық сыйақы беру бойынша мынадай тәсілдер әзірленіп өзектендірілді:

• EBITDA жоспарлы көрсеткішін асыра орындағаны үшін «Қазақтелеком» АҚ қызметкерлеріне қосымша сыйақы беру туралы ереже;
• «Қазақтелеком» АҚ филиалдарының қызметкерлеріне ағымдағы және тоқсандық сыйлықақы беру туралы ереже;
• Ағымдағы сыйлықақыны есептеу үшін филиалдың немесе филиалдың жекелеген ірі құрылымдық бөлімшелерінің жалпы ПӘК картасы (мысалы, МЖТТ, ОҚКО бағыты бойынша және т. б.);
• Тоқсандық сыйақыға арналған филиалдың немесе филиалдың жекелеген ірі құрылымдық бөлімшелерінің жалпы ПӘК картасы (мысалы, МЖТТ, бағыт бойынша ОҚКО және т. б.);
• «Қазақтелеком» АҚ цифрлық трансформация командасының data-лауазымдарына еңбекақы төлеу және сарапшыларын ынталандыру қағидалары.

«Қазақтелеком» АҚ-да еңбекақы төлеу гендерлік теңдік қағидатына, оның ішінде қызметкерлердің санаттары бойынша жалақының арақатынасына негізделген.

¹⁶ «Қазақтелеком» АҚ жұмыскерлерінің санаттары бойынша бөліністегі әйелдер мен еркектердің базалық жалақысының қатынасы.

¹⁷ Сыйақы (базалық жалақы + сыйлықақылар).
¹⁸ «Қазақтелеком» АҚ жұмыскерлерінің санаттары бойынша бөліністегі әйелдер мен еркектер сыйақысы (базалық жалақысы + сыйлықақысы) мөлшерінің қатынасы.

2022 жылы «Қазақтелеком» АҚ еркек пен әйел қызметкерлерінің еңбекақысының ең төменгі мөлшері 84 000 теңгені құрады. Елдегі ең төменгі жалақы мөлшерін 60 000 теңге деңгейінде ескере отырып, Компания қызметкерлерінің ең төменгі жалақысының елдегі ең төменгі жалақы мөлшеріне қатынасы 2022 жылы 40%-ға жоғары болды.

1. Тең мүмкіндіктер, инклюзивтілік және әралуандық саласындағы саясатты әзірлеу және бекіту.
2. «Өңірлердегі әйелдерді қолдау» бағдарламасын іске асыруды жалғастыру.
3. Еңбекақы төлеу қорын басқарудың экономикалық моделін енгізу.
4. «Қазақтелеком» АҚ Ұжымдық келісімшартын өзектендіру шеңберінде қызметкерлерді индекстеудің міндетті жүйесін енгізу.
5. Мотивациялық бағдарламалардың тиімділігін арттыру үшін процестерді автоматтандыру.
6. Операциялық тиімділік бағдарламасын әзірлеу.
7. Grade Б5 және одан жоғары деңгейлерінде жылдық бонус төлемдерін қысқарту.