Өткен жылы біз республиканың барлық өңірлерінде қалалық және ауылдық жерлерде өз инфрақұрылымымызды белсенді түрде ұлғайттық және Компаниямыздың болашағына ғана емес, бүкіл елдің болашағына да инвестиция сала отырып, бұрыннан бар өндірістік қуаттарды жаңғыртып отырмыз. Бұл жұмысты биыл да жалғастыруға ниеттіміз. Көп клиент үшін жаңа технологияларды масштабтауға, сондай-ақ Компания ұсынатын қызметтердің сапасын арттыруға ерекше назар аударылатын болады. Сапаны жақсарту біздің табысты дамуымыздың маңызды негізгі факторларының бірі, сондықтан бұл мәселені шешу үшін бар күш-жігерімізді салу қажет.

Барлық қойылған мақсатты іске асыру қамтамасыз етілетініне сенімдімін, өйткені «Қазақтелекомның» ұжымы ұйымшыл және мүдделес жоғары кәсіби білікті мамандар. Компанияның соңғы жылдардағы барлық жетістіктері барлық өндірістік деңгейлердегі көп адамның қажырлы еңбегінің нәтижесі болып табылады. Біз іске асырған бастамалар мен жобаларды кез келген күрделі міндеттерді шешуге дайын ұжымсыз жүзеге асыру мүмкін болмас еді. Осы мүмкіндікті пайдалана отырып, Компанияның барлық қызметкерлеріне жемісті жұмысы, іске кәсіби көзқарасы және өзін-өзі жетілдіруге үнемі ұмтылысы үшін алғыс айтқым келеді. Бұл Компанияның қызметкерлері, ал олардың саны еншілес ұйымдарды ескергенде 24 мыңнан аса маман «Қазақтелекомның» басты және ең құнды активі болып табылатынын атап өткен жөн.

Биылғы жылы біз көптеген өршіл жоспарлар мен міндеттерді белгіледік және Компанияда жұмыс істейтін кәсіпқойлардың қолдауымен және күш-жігерімен біз «Қазақтелекомның» технологиялық прогрестің алдыңғы орнында болуы және өзінің инновациялық өнімдері мен қызметтерін дамыту үшін қолдан келгеннің бәрін жасайтынымызға сенімдімін.

Біздің жаһандық мақсатымыз — саланың көшбасшысы болып қалу және тұтынушыларымыз, акционерлеріміз және жалпы қоғамымыз үшін құндылық жасауды жалғастыру. Біз бұған бірге жұмыс істеу арқылы қол жеткізе алатынымызға сенімдімін.